-
تجمع طلبه ماستر المرحلة السادسة..!
السلام عليكم ورحمة الله وبركاته
وبصراحة كثرت المواضيع وشتت انتباه الشخص مابين طلبه بكالوريوس وماستر ودكتوراه فأحببت أن يكون هذا
الموضوع خاااص بطلبه الماستر للمرحلة السادسه واستفساراتهم فقط دون تدخل أجنبي :sweatdrop:
طبعا أنا اوراقي شبه جاهزه ماعدا
التوصيات العلمية ,, وهل هي مطلوبة لمرحلة التدقيق أم لا ..؟؟
ثانيا سجلي الاكاديمي بالعربي يحتاج ترجمته في مرحلة التدقيق أيضا ام ..؟؟
وسلامتكم ..:)
-
رد: تجمع طلبه ماستر المرحلة السادسة..!
يعطيك العافيه اختي .. التوصيات مهمه لمرحلة التدقيق والمرحله السابقه رفضو ناس كثييير لان ماكان معهم توصيات هذا كلام وحده من المرحله السابقه مو كلامي .. السجل الاكاديمي لازم يترجم ويكون معك نسخ طبق الاصل من العربي والانقلش ..
بالتوفيق اختي ..
-
رد: تجمع طلبه ماستر المرحلة السادسة..!
مرحباااا
والله انا لسا ما ترجمت ولا رقه
ما ادري شو راح يكون مصيري
في التدقيق؟!!
بصراحه انا ما كان عندي
خبر انه لازم
اترجم الاوراق
بس هي كامله
وثيقه
سجل اكاديمي
توصيات
ومرافق
-
رد: تجمع طلبه ماستر المرحلة السادسة..!
أهلا اخت منال والله يعطيك العافية دوبي راسلت الدكاترة لعل وعسى يعطوني توصيات ,,
أهلا sun-shine الله يعينك اختي واهم شئ أتاكدي انه اسمك بالانجليزي في جميع الأوراق بشكل واحد
والله ييسر للجميــــــع
-
رد: تجمع طلبه ماستر المرحلة السادسة..!
هلا والله
هنا ممكن تستفيدني لان نفس فكرتك مطروحة وبالتوفيق
http://www.mbt3th.us/vb/forum14/thread183707.html
-
رد: تجمع طلبه ماستر المرحلة السادسة..!
اقتباس:
المشاركة الأصلية كتبت بواسطة queen25
أهلا اخت منال والله يعطيك العافية دوبي راسلت الدكاترة لعل وعسى يعطوني توصيات ,,
والله ييسر للجميــــــع
ان شاء الله ربي يسخرهم لك ويرسلونها
-
رد: تجمع طلبه ماستر المرحلة السادسة..!
ان شاء الله رب العالمين يسهل كل الامور
السؤال الان الترجمة باللغه الإنجليزية يكون بناءا على الأسم باللغه الأنجليزية بالجواز ...صح ؟ يعني الوثيقة بالعربي مالها اي اهمية ولا تقدم مع المستندات في مرحلة التدقيق ؟
سألت هذا السؤال لان اسمي بالعربي بالوثيقة يختلف عن اسمي بالجواز ولكن بالانجليزي نقدر نترجم الشهاده بناءا على الاسم باللغه الإنجليزية بالجواز.
ايضا سؤال مرررره مهم فرضا قدم شخص على الابتعاث لهذا السنة ولكن حصل له ظروف و ما قدر يقدر يأجل الابتعاث لسنة الجاية وان ما حصل يأجل يقدر يقدم اعتذار ويقدم في برنامج خادم الحرمين للمرحلة السابعه يعني ما رح يحرم من فرصة الابتعاث في مرحلة قادمة إذا أعتذر بعد القبول النهائي ؟
-
رد: تجمع طلبه ماستر المرحلة السادسة..!
:
مرحبـآٍ
أنــآ من المرحله الخامسه
في أمريكـآ حاليا وراح أدرس مـآستـرٍ
طبعـآٍ مريت بكل اللي مريتوـآ فيـهٍ
فـ أي خدمه أنـآ حـآضره باللي أقدر عليـهٍ
موفقينٍ
:)
-
رد: تجمع طلبه ماستر المرحلة السادسة..!
^^
هلا فيك عزيزتي ممكن القى عندك إجابة لأسألتي الي فوق ردك :)
شكرا لك
-
رد: تجمع طلبه ماستر المرحلة السادسة..!
السلام عليكم... عندي اسألة بليز جاوبوني , اول شي انا وثيقتي وسجلي الأكاديمي بالعربي والانجلش في نفس الصفحات هل يحتاج اسوي ترجمة بحيث تصير المعلومات كلها بالانجلش فقط في الصفحات؟ وثاني شي ايش هي ورقة المرافق؟ ومرحلة التدقيق بتكون بعد التسجيل بقديش تقريبا؟
يعطيكم الف عافية
-
رد: تجمع طلبه ماستر المرحلة السادسة..!
اولا يارب يوفقني ويوفقكم ونكون من مقبولين المرحله السادسة ثاني شيء ....... مين يعرف وش احسن دوله غير امريكا تعطي ماستر تغذيه علاجية وشكرا
-
رد: تجمع طلبه ماستر المرحلة السادسة..!
التوصيات ياناس لازم تكون 3؟؟؟ انا ماعندي الا 2...لان اغلب الدكاترة سافرو وماتواجد الا 2....وقالولي عادي اي دكتور يقدر يعطيك بس خلاص والجامعات سكرت اليوم....ايش اسوي؟؟؟ ارجوووكم؟؟؟ افيدوني.....
-
رد: تجمع طلبه ماستر المرحلة السادسة..!
اقتباس:
المشاركة الأصلية كتبت بواسطة juju1987
السلام عليكم... عندي اسألة بليز جاوبوني , اول شي انا وثيقتي وسجلي الأكاديمي بالعربي والانجلش في نفس الصفحات هل يحتاج اسوي ترجمة بحيث تصير المعلومات كلها بالانجلش فقط في الصفحات؟ وثاني شي ايش هي ورقة المرافق؟ ومرحلة التدقيق بتكون بعد التسجيل بقديش تقريبا؟
يعطيكم الف عافية
الوثيقه والسجل اذا كانت نص عربي ونص انقلش ماتحتاج ترجمه .. بس تاكدي من اسمك هو نفس الي في الجواز ان شاء الله يكون نفسه .. لان لو كان مختلف لازم تغيرينها ..اوراق المرافق بس الجواز والهويه صوره والاصل ولازم تكون سارية المفعول .. مرحلة التدقيق ان شاء الله راح تكون في 4 رمضان في الرياض وفي 5 رمضان في جده وباقي المدن بعدها ..
اتمنى اكون افدتك اختي .. بالتوفيق يارب ..
-
رد: تجمع طلبه ماستر المرحلة السادسة..!
يالله انا ايش اسوي ماعندي توصيات والجامعات قفلت ياناس والله حراام تضيع علينا
يعني مرره مافي حل
وياليت احد يفيدنا ايش الاوراق المهمه لمرحلة التدقيق
-
رد: تجمع طلبه ماستر المرحلة السادسة..!
طيب بالنسبه للسجل الاكاديمي طلعته يوم أستلم الوثيقه انجليزي ومختوم مايحتاج ترجمه صح ولالا وطيب النسخ اللي يبغوها اصورها واختمها من القسم وألأ ايش يقصدوو
وبالنسبه للوثيقه هي نص عربي ونص انجليزي تنفع صح طيب ايش فايده شهاده حسن سيره وسلوك برضة سمعت انو لازم اترجمها واختمها بس من فين اختمهاا ياليت تساعدونا وتساعدون اللي نفس مشكلتي
شاكرين لكم
-
رد: تجمع طلبه ماستر المرحلة السادسة..!
اخت سوما انا سمعت انو عادي تقدري وقت التدقيق تعطيهم وصل مادري تعهد انك تجيبي التوصيات بدايه العام اللي هي اتوقع شهر 10 قبل مايطلع القبول النهائي يعني اتوقع مافيها خوف انا زيك ماقدرت اجيب ألأ توصيه وحده والباقي ربيك بيسرها ان شاء الله اقدر اجيبها بدايه العام لأنو الدكتورات طلعو واللي سافرت
الله يوفقك ويوفقنا وكل الموجودين ان شاء الله
-
رد: تجمع طلبه ماستر المرحلة السادسة..!
الله يطمن بالك وقلبك
ويارب نكون مقبولين
-
رد: تجمع طلبه ماستر المرحلة السادسة..!
مساء الخير
لو سمحتوا عندي استفسار بخصوص التخصصات المالية وش تشمل ؟؟
-
رد: تجمع طلبه ماستر المرحلة السادسة..!
السلام
كيف الحال جميع
اممم اني عندي سؤال محتارة اني ابغى اكمل ماستر في الادارة التمريضية وافكر اختار
Nursing informatics
بس وين احط خيار غير امريكا وكندا؟
-
رد: تجمع طلبه ماستر المرحلة السادسة..!
والاسم : قمور
التخصص: حاسب الي
الوجهة : المرحله السادسة
الرغبة: امريكا بريطانيا كندا
ناويه اكمل ماستر
بس انا محتاره من كل شي تكفون وضحو لي بنقاط اساسيه وش اسوي
انا الي عرفته للان لازم جواز سفر يطابق اسم الوثيقه
ولازم اترجم شهاداتي والسجل الاكاديمي
١/طيب محتاره من التوصيات الان ما في دكاتره من وين اجيبه سمعت اشخاص يقولون عقب العيد حلو لو كذا يعني يمديه تفتح الجامعه واجيب جاوبون اوكي يمدي الحق اخذ توصيات
٢/ومحتاره لو نسجل الان تتوقعون متى تكون خلاص رحلتي يعني بعد ٦ شهور ولا سنه ولا شو ان قلتو على حسب البلد وهيك قولو لي اقرب مده تقريبا عشان اخذ احتياطاتي
٣/ومحتاره من امر الفيزا قريت انه واحد سوى مقابله عشان الفيزا بالسفاره ياللله حسيت الاجراءت ما يزينهن الا العيال يعني شي صعب وفوق الخيال تكفون قولولي ابي حلمي منذ الطفوله امريكا والسيفي وشو السيفي تكفوووون علما اني من القصيم
٤/ومحتاره من امر المحرم عادي احط واحد بعدين اغيره مثلا لاتزوجت وهيك وهل الاجراءت صعبه حقه التغير
٥/وابيكم تقولون اشياء تساعدن من الحين اسويهن
٦/ونسيت بعد وشو امر الاركاب هذا اشرحو لي فهمون تكفون يارب يساعد الي يساعدن
٧/ايه وانا سمعت انه انا ادفع التذكره على حسابي وبعدين هم يعوضونن ابيكم تقولون لي كم مجمل التكلفه تقريبا عشان ادبر من الحين
٨/وابي منكم شي بعد وشلون اضيف مشاركه انا الحين اضيف رد ابي اسوي موضوع كيف من وين والله بحياتي على كثر علاقتي بالحاسب منتديات ما ادخل الا اذا ابي معلومه يعني علمون مشاركه من وين
رقمت لكم كل شي جاوبو بالارقام اوكي ثقلت عليكم عارفه والله بس قسما عزما ادعي للي يجاوبن ادعي له بمغرب الجمعه بكرا ما انساه ابد واخلي جدتي وامي تدعي للي ترد او يرد اوكيمن وين اكبر الخط
-
رد: تجمع طلبه ماستر المرحلة السادسة..!
السلام عليكم
انا مثلك ابقدم ان شاء الله على المرحلة السادسة وخريج السنه هذي 1431هـ
اقتباس:
المشاركة الأصلية كتبت بواسطة قمور ه
والاسم : قمور
التخصص: حاسب الي
الوجهة : المرحله السادسة
الرغبة: امريكا بريطانيا كندا
ناويه اكمل ماستر
بس انا محتاره من كل شي تكفون وضحو لي بنقاط اساسيه وش اسوي
انا الي عرفته للان لازم جواز سفر يطابق اسم الوثيقه
قبل التخرج كانوا طالبين منا كتابة الاسم بالانجليزي : قدمت لهم صورة من الجواز وطلعت الشهادة نفسة ,,
لكن يمكنك التعديل الأن على الشهاده اذا كان معك الجواز تقدمين الاصل او صوره منه ويغيروونه لك حسب الموجود بالجواز ,, ( علماً بأن الاغلبية يصير معهم كذا ).
ولازم اترجم شهاداتي والسجل الاكاديمي
الشهادة جزئين عربي وانقلش ماتحتاج ترجمة .
السجل الأكاديمي تطلبين سجل اكاديمي انقلش ويطبع لك بــ ( 5 ) ريال. بس المهم انه يختم على كل ورقة فيه ..
١/طيب محتاره من التوصيات الان ما في دكاتره من وين اجيبه سمعت اشخاص يقولون عقب العيد حلو لو كذا يعني يمديه تفتح الجامعه واجيب جاوبون اوكي يمدي الحق اخذ توصيات
اذا معك ايميل اي دكتور يقدر يسويها لك من الأن واذا مامعك على ما اعتقد ان ماافيه إلا بعد العيد
٢/ومحتاره لو نسجل الان تتوقعون متى تكون خلاص رحلتي يعني بعد ٦ شهور ولا سنه ولا شو ان قلتو على حسب البلد وهيك قولو لي اقرب مده تقريبا عشان اخذ احتياطاتي
اقرب مده حسب ما اعرف انه شهر 2 أو 3 هذا اذا خلصت امورك بدري بدري
٣/ومحتاره من امر الفيزا قريت انه واحد سوى مقابله عشان الفيزا بالسفاره ياللله حسيت الاجراءت ما يزينهن الا العيال يعني شي صعب وفوق الخيال تكفون قولولي ابي حلمي منذ الطفوله امريكا
الفيزا لها مقابله وتعتمد على توفيق الله سبحانه بس لا تخافين مااافيه شيء اسمه مستحيل او صعب ...
هذا رابط لاحد المواضيع الي يخص المقااابلة
http://www.mbt3th.us/vb/forum16/thread100296.html
اتمنى انه يفيد
والسيفي وشو السيفي تكفوووون علما اني من القصيم
اقتباس:
المشاركة الأصلية كتبت بواسطة قمور ه
السيفي ما ادري هل تقصدين C.V.؟؟
C.V
عبارة عن السيره الذاتية
وهذا نموذج للسيرة الذاتية
لبريد الالكتروني
تاريخها :
المصدر :
اي مهاره تملكينها اللغة العربية وهي الام
ومع اللغات الأخرى المعرفين
اسماء وإيميلات .. من اخذتي منهم التوصيات ,
وهذي مو مهمه بس اذا حااابة تكتبين فيها مو مشكلة (يعني لدي الرغبة الشديدة في اكمال مسيرتي العلمية ...إلخ )
وهذي مثل الاهداف ..
هذا هو الجزء العربي .. اكملي البيانات وبعدها احفظيه على CD وشوفي اقرب مكتب ترجمه يترجمها لك ..
انا من بريدة . وترجمته عند مكتب الترجمة اللي في شارع الخبيب بعد النقل الجماعي القديم مكتب ترجمته معتمده وحلوو والترجمة بــ ( 30 ريال ).
٤/ومحتاره من امر المحرم عادي احط واحد بعدين اغيره مثلا لاتزوجت وهيك وهل الاجراءت صعبه حقه التغير
لا أعلم ..!؟؟؟ بس حطي اخووك وبعدها تسهل
٥/وابيكم تقولون اشياء تساعدن من الحين اسويهن
أنا راح اتكلم عن نفسي
اولا : اتكلت على الله سبحانه (( واستخرت الله لاني مقدم على الاعاده وابقدم على البعثه ) )
ثانياً : ليل نهار وانا اقراء في النت عن الجامعات والمعاهد حسب التخصص اللي انا راح اكمل فيه وهو بيولوجيا الخلية وأبحاث السرطان.
طبعاً بمساعده بعض الدكاتره ثالثاً : جهزت جميع الاوراق اللي هي (( الشهاده الجامعية + السجل الأكاديمي مترجم من الجامعة بالكامل + جواز السفر + 4 توصيات + اوراق المشاركة إجراءات البحوث العلمية + الشهادات التي تم الحصول عليها من دورات وشهادات شكر وغيره ))هذا الي ان اذكر الأن واذا كانت نااقصة ذكرووني .
رابعاً : أنتظر متى يفتح البرنامح علشان اقدم .
اهم شيء الان هو القراءه عن المعهد او الجامعه اللي حاابه تكملين فيها وعن المدينه وطرق المواصلات والسكن وغيره
٦/ونسيت بعد وشو امر الاركاب هذا اشرحو لي فهمون تكفون يارب يساعد الي يساعدن
على ما اعقتد انه بأخر شيء يعطوونك امر الاركاب لك وللمراافقين
٧/ايه وانا سمعت انه انا ادفع التذكره على حسابي وبعدين هم يعوضونن ابيكم تقولون لي كم مجمل التكلفه تقريبا عشان ادبر من الحين
لا أعلم ...!!
٨/وابي منكم شي بعد وشلون اضيف مشاركه انا الحين اضيف رد ابي اسوي موضوع كيف من وين والله بحياتي على كثر علاقتي بالحاسب منتديات ما ادخل الا اذا ابي معلومه يعني علمون مشاركه من وين
أول ماتدخلين على القسم تحصلينعلى فوق يمين مكتوب ( موضع جديد ) اضغطي عليه واكتبي ما شاء لك بس اهم شيء يكون الموضوع بالقسم المنااااسب
رقمت لكم كل شي جاوبو بالارقام
إن شاء الله اكون قدرت افيدك وافيد الجميع .واذا فيه اي خطاء فتذكر بأني إنــــساان
اوكي ثقلت عليكم عارفه والله بس قسما عزما ادعي للي يجاوبن ادعي له بمغرب الجمعه بكرا ما انساه ابد واخلي جدتي وامي تدعي للي ترد او يرد اوكيمن وين اكبر الخط
هذا هو اللي انا ابي
أسأل الله العلي القدير ان يوفق الجميع لك مايحبه ويرضاه
-
رد: تجمع طلبه ماستر المرحلة السادسة..!
شكرا دكتور جاسر والله كان ودي اشكرك شخصيا بس يقولون ما ترسل الا بعد ٣٠ مشاركه مرسي والله افدتني بس بقولك معي رقم دكتوره تقدر تفيدن ومعقول تجي بالايميل ماتحتاج يعني نموذج توصيه من الكليه وختم الكليه وخلافه
-
رد: تجمع طلبه ماستر المرحلة السادسة..!
اقتباس:
المشاركة الأصلية كتبت بواسطة قمور ه
شكرا دكتور جاسر والله كان ودي اشكرك شخصيا بس يقولون ما ترسل الا بعد ٣٠ مشاركه مرسي والله افدتني
العفو اختي .. الجميع هنا للخدمه .
والحمد لله اني قدرت افيدك لو بشيء بسيط .
بس بقولك معي رقم دكتوره تقدر تفيدن ومعقول تجي بالايميل ماتحتاج يعني نموذج توصيه من الكليه وختم الكليه وخلافه
اذا الدكتور تعرفك وسبق وان درستك اكيد راح تفيدك
والتوصية ماتحتاج ختم لانها ورقة وديه بينك وبين الدكتوره واهم شيء انه يكون مسجل فيها ايميل الدكتوره لو حبت الجامعه اللي انتي مقدمة عليها التأكد من صحة التوصية التواصل مع الدكتوره مباشره وللمعلومية الكثير من الجامعات يراسلون الدكاتره بخطاب على الايميل .
وطريقة الارسال سهله .. تكتب الدكتوره التوصيه وتطبعها الله لا يهينها ثم توقع عليها وترفعها للجهاز عن طريق (السكنر) وترسلها لك .
وانتي الله لا يهينك تطبعينها ملونه علشان تكون هي الاصل .
وبالتوووفيييق
اذا فيه شيء انا بالخدمة
-
رد: تجمع طلبه ماستر المرحلة السادسة..!
راسلت ثلاث دكاترة ومحد رد عليا :(
يارب مايكون في يوم التدقيق طلب توصياات ياااارب
-
رد: تجمع طلبه ماستر المرحلة السادسة..!
أختي queen25
الاوراق المطلوب ترجمتها
وبين الدكتور الحربي، أن أبرز الوثائق المطلوب ترجمتها لطلاب الدراسات العليا، تتمثل في كشف الدرجات، و ثلاث توصيات، ومقترح يوضح الهدف من الدراسة والاهتمامات البحثية باللغة الإنجليزية، و صورة مصدقة من الشهادة الأخيرة لما قبل المرحلة المطلوبة للدراسة وصورة قرار معادلتها إذا كانت صادرة من الخارج، بالإضافة إلى تعبئة الاستمارة الخاصة بمراسلة الجامعات التي سوف تكون متاحة بموقع الوزارة الإلكتروني بعد انتهاء فترة التسجيل في البرنامج وإعلان أسماء المرشحين.
وطالب مدير برنامج خادم الحرمين الشريفين للابتعاث الخارجي، أن على الطلاب المبتعثين لمرحلة البكالوريوس، التأكد من تجهيز صورة مصدقة من شهادة الثانوية باللغة الإنجليزية وصورة قرار معادلتها إذا كانت صادرة من الخارج ومعادلتها لدى وزارة التربية والتعليم، بالإضافة إلى صورة من بطاقة الهوية الوطنية أو صورة ملونة من البطاقة العائلية، و صورة من اختبار القدرات، و من الاختبار التحصيلي، بجانبها تعبئة الاستمارة الخاصة بمراسلة الجامعات التي سوف تكون متاحة بموقع الوزارة الإلكتروني بعد انتهاء فترة التسجيل في البرنامج وإعلان أسماء المرشحين.(منقول)
حاولي تراسلين الدكاتره مره ثانيه وثاالثه
بالتوفيق
-
رد: تجمع طلبه ماستر المرحلة السادسة..!
^
موضوع كامل عن الاوراق المطلوبه في المرحلة الخامسه . قد لا تكون مطلوب بالمثل في المرحلة السادسه ولكن للفائده
http://www.mbt3th.us/vb/forum14/thread198329.html
تحياتي
-
رد: تجمع طلبه ماستر المرحلة السادسة..!
السلام عليكم
أنا مستوفي كل الشروط وأوراقي كلها جاهزة لكن
أهم شرط هو المشكلة
معدلي 3.44 من 5
الله يسهلنا ولكم ويحنن الوزارة علينا
-
رد: تجمع طلبه ماستر المرحلة السادسة..!
اقتباس:
المشاركة الأصلية كتبت بواسطة sun-shine
مرحباااا
والله انا لسا ما ترجمت ولا رقه
ما ادري شو راح يكون مصيري
في التدقيق؟!!
بصراحه انا ما كان عندي
خبر انه لازم
اترجم الاوراق
بس هي كامله
وثيقه
سجل اكاديمي
توصيات
ومرافق
مرحبـآٍ
خيتو حاولي تترجمينهـآٍ حالياٍ قبل التدقيقٍ وإن شاء الله يكون في وقت
هذا طبعـآ إذـآ ماكانت اوراقك إنجليزي عربي .. لانه الوثائق والسجل الأكـآديمي ٍ حاليا ومن قبل دفعتي صارت عربي إنجليزي يعني مأ أحد يحتاج ترجمهٍ .. :)
عمومـآ حتى لو مـآمدـآك توكلي على الله وسجلي ويوم التدقيق خذي كل أوراقك وقولي لهم إنك راح تترجميهـٍآ وترسليها لهمٍ ..
موفقـهٍ :)
-
رد: تجمع طلبه ماستر المرحلة السادسة..!
اقتباس:
المشاركة الأصلية كتبت بواسطة Information Security
ان شاء الله رب العالمين يسهل كل الامور
السؤال الان الترجمة باللغه الإنجليزية يكون بناءا على الأسم باللغه الأنجليزية بالجواز ...صح ؟ يعني الوثيقة بالعربي مالها اي اهمية ولا تقدم مع المستندات في مرحلة التدقيق ؟
سألت هذا السؤال لان اسمي بالعربي بالوثيقة يختلف عن اسمي بالجواز ولكن بالانجليزي نقدر نترجم الشهاده بناءا على الاسم باللغه الإنجليزية بالجواز.
ايضا سؤال مرررره مهم فرضا قدم شخص على الابتعاث لهذا السنة ولكن حصل له ظروف و ما قدر يقدر يأجل الابتعاث لسنة الجاية وان ما حصل يأجل يقدر يقدم اعتذار ويقدم في برنامج خادم الحرمين للمرحلة السابعه يعني ما رح يحرم من فرصة الابتعاث في مرحلة قادمة إذا أعتذر بعد القبول النهائي ؟
هلا خيـوٍ
أهم شيء الإسم بالإنجليزي .. العربي مالهم شغـل فيهـٍ أبدـآٍ
وبالنسبه للتأجيـلٍ .. مـآرـآح تقدر تأجـل إلا بعد مـآ تطلع قرار الإبتعـآثٍ وطبعـآ لظروف قـآهرهٍ
طبعـآٍ قبل ماتطلع قرار الإبتعـآث مـآتعتبر مبتعث أصلاٍ
وبكذـآ بـٍ إمكـآنك تكنسـلٍ
موفقٍ
:)
-
رد: تجمع طلبه ماستر المرحلة السادسة..!
اللي ما عنده بطاقة هوية وش يسوي بتاريخ الهوية ومصدرها ؟؟؟
هل اروح اطلع بطاقة وارجع اسجل
والا احط ارقام عشوائية واكمل بياناتي عشان ما يفوتني التسجل وبعط ما اطلع بطاقة ارجع واعدلها ؟؟
<< اللي يرد ياليت يكون متاكد من ان هالبيانات تتعدل لانه لو ما تتعدل راح تضيع فرصتي بالابتعاث :(
-
رد: تجمع طلبه ماستر المرحلة السادسة..!
شبااب بنات فتح التقديم
حاله اأأستنفااااااار
http://kas.mohe.gov.sa/kas6/Index.aspx
وبالتوفيق وكل واحد يسجل يعلمنا وش صار عليه
ويارب وفق كل اخواني وخواتي المسلمين
-
رد: تجمع طلبه ماستر المرحلة السادسة..!
]اللي ما عنده بطاقة هوية وش يسوي بتاريخ الهوية ومصدرها ؟؟؟
هل اروح اطلع بطاقة وارجع اسجل
والا احط ارقام عشوائية واكمل بياناتي عشان ما يفوتني التسجل وبعط ما اطلع بطاقة ارجع واعدلها ؟؟
<< اللي يرد ياليت يكون متاكد من ان هالبيانات تتعدل لانه لو ما تتعدل راح تضيع فرصتي بالابتعاث :([/]
-
رد: تجمع طلبه ماستر المرحلة السادسة..!
شكرا ع المعلومات اخت ريم المدينة
السؤال الان إذا تم قرار الأبتعاث وبعدين كنسلت هل ممكن اقدم في المرحلة السابعه او خلاص ضاعت علي الفرصة ؟
وشكرا لك
-
رد: تجمع طلبه ماستر المرحلة السادسة..!
اقتباس:
المشاركة الأصلية كتبت بواسطة *سوسو الحلوة*
]اللي ما عنده بطاقة هوية وش يسوي بتاريخ الهوية ومصدرها ؟؟؟
هل اروح اطلع بطاقة وارجع اسجل
والا احط ارقام عشوائية واكمل بياناتي عشان ما يفوتني التسجل وبعط ما اطلع بطاقة ارجع واعدلها ؟؟
<< اللي يرد ياليت يكون متاكد من ان هالبيانات تتعدل لانه لو ما تتعدل راح تضيع فرصتي بالابتعاث :([/]
حطي اللي في دفتر العائله اختي
وراح تمشي امورك ان شاء الله
-
رد: تجمع طلبه ماستر المرحلة السادسة..!
مرحبا
انا ترجمت الوثيقه والسجل الاكاديمي مع شهاده بنكيه لمبلغ في الحساب فيه فوق 200 الف مع 3 توصيات مع جواز جديد
بس الاشكاليه حسن السيره والسلوك مو معاي ترجمه فمادري يحتاجونها ولا لا
وفيه طلبات ثانيه ولا لا
-
رد: تجمع طلبه ماستر المرحلة السادسة..!
'
طيب تكفون انا ماعندي لارمز بريدي ولاصندوق بريد وش اسوي؟؟؟اتركهم فاضين؟؟؟
وبالنسبة للجواز برضة ماطلعتة..هل اترك الخانات فاضية؟؟؟
تكفووووووووووووووووون ردو علي
-
رد: تجمع طلبه ماستر المرحلة السادسة..!
يعطيكم العافية
بخصوص ماجستير طب الاسنان
بالتسجيل لمن نجي نختار الدولة والتخصص المطلوب .. مايطلع لنا تخصص طب الاسنان !!!
وش الواحد يختار طيب؟
-
رد: تجمع طلبه ماستر المرحلة السادسة..!
سؤال ,, متى راح يكون التدقيق ؟ ,,
انا تخصصي ادب انجليزي شنو ,, التخصصات اللي تناسبني ؟
انا سمعت انو المقدمين على الماجستير ,,هم يجيبون القبول من الجامعه اللي مختارينها ,,!
اذا صح ,,, شلون اجيب القبوول من الجامعه اللي ابيها ,, ؟؟
-
رد: تجمع طلبه ماستر المرحلة السادسة..!
السلام عليكم
س/
انا بكالوريوس "علم نفس"، أقدر أختار "علوم صحية" للماستر؟!
علمًا بأن من ضمن العلوم الصحية فيها علم نفس !!
-
رد: تجمع طلبه ماستر المرحلة السادسة..!
هل اكتب النسبة مئوية والا اكتب من 5؟؟وكيف اقدر احول النسبة المئوية ل 5؟؟؟
انا علموني طريقة انة اخذ النسبة واقسمها على 20 بس سؤال اذا طلعت النسبة من 5 هي 3.799
هل اقدر اخليها في التسجيل 3.8 علما اذكر درسانة بالرياضيات اذا العدد الي بعد الفاصلة الي هو 7 وراه عدد اكبر من 5 فان العدد 7 يصبح 8.....صح علي والا لا؟؟ عشان ابسجلة..
تكفووووووووووووون جاوبوني امانه عليكم...استنى ردودكم